اللى جه على بالى
بقالى فترة بحس حاجات كتير ومش بعرف أكتبها
بس قررت النهاردة أكتب و زى ما تيجى تيجى :)
*** *** ***
الشغل
الصراحة وحشنى الجو هناك والمكان والناس
بس مكانش ينفع أفضل فيه
غير خوفى من أنى أكون نصابة وأتعلم النصب على الناس
خفت لو فضلت فيه أكتر من كده أستحل كل حرام
أو أغير مسميات كل حاجة عشان أريح ضميرى
سبته عشان عيونى تفضل شايفة الصح صح والغلط غلط
*** *** ***
ترافيان
وحشونى أصحابى اللى فى اللعبة
بس لازم أعترف انى ارتحت نفسيا كتييييير بعد ما سبتها
*** *** ***
التسامح
هو استمرار الحياة
أنا مرجعتش لنفسى وارتحت نفسيا غير بعد ما سامحت
*** *** ***
التغيير
مقدرتش أتغير... مقدرتش أكون واحدة تانية
حسيت بالفشل لما حاولت أغير طريقتى واسلوبى مع الناس
قررت متغيرش.. عشان رقية هى أكتر شخص هعرف أكونه
بس بيتهيألى من دلوقتى انت الوحيد اللى لازم أغير فى اسلوبى معاك شوية حاجات عشان تستمر علاقتنا
*** *** ***
أمى
برغم كل اللى انت فيه دة
انت ازاى قادرة تبقى كده؟
*** *** ***
سارة
يمكن عمرك ما هتدخلى هنا
بس بجد حبى ليكى له شكل غير أى حد
وجودك فى حياتى مهم أوى حتى لو مكانش وجود يومى
*** *** ***
!!!.......
انت واخدنى على فين بالظبط؟
*** *** ***
محمد سامح
صداقتك غالية أوى عندى






