2009/06/27


قوس قزح
عرفت فى يوم ان حياتنا زى اللوحة الفنية, كل ما نختار كل حاجة فيها باتقان كل ما بقت جميلة
ولو سبناها لكل حد نعرفة يرسم فيها شوية, هتطلع فى النهاية لوحة همجية وحياة طبعا همجية... عشان كده مش أى حد ينفع نسيبلوا لوحة حياتنا يرسم و يأثر فيها
قررت من النهاردة أرسم أنا ولوحدى اللوحة الخاصة بحياتى, قررت أبص للشمس... أبصلها أوى حتى لو هتوجع عينى.. المهم انى أشوف ألوان قوس قزح كلها عشان أرسم بيها فى لوحتى
والصراحة السبب الأهم فى انى أبص للشمس مش انى أشوف الألوان بس
انما هتحسسنى بالحياة ... وأنا بجد محتاجة الاحساس دة أوى

No comments: