8 - 2 - 2009

3:16 AM

تاريخ تسجيلى فى لعبة ترافيان

اللى من يوم ما دخلتها لغايه النهاردة مشوفتش فيها بنت غيرى .. ومع ذلك كنت بلعب وبخطط أحسن من 100 رجل من اللى جوة اللعبة وقدرت فى الفترة الصغيرة دى ابقى رقم 2000 على 13000 واحد من اللى بيلعبوا

هو اه ترتيب مش حلو أوى بس بالنسبة لكل اللى عرفتهم فيها ده انجاز

والمهم انى فى الفتره دى عرفت ناس كتير أوى يمكن احسن بكتير من ناس صاحبتهم بره اللعبة.. بس اللى جمعنا فى اللعبة كان احساس مشترك فى حاجات كتير

كلنا خايفين من التدمير وكلنا عايزين نبقى أقوى وبرضه كلنا واقفين مع بعض وممكن نضحى علشان بعض بقريه كامله خدت مجهود كبييييييير أوى على ما عرفنا نبنيها ونطورها

بس لسبب أنا مش عارفاه

ومش فاهمة ليه انا هعمل كده

قررت النهارده فجأه انى ألغى عضويتى من اللعبة

معرفش السبب الحقيقى بس يمكن بعاقب نفسى بس الصراحه مش عارفة بعاقبها على ايه

بس حسيت انى عايزه أبعد نفسى عن أى حاجة بحبها ومرتبطة بيها

علشان فى حياتنا كده كده كل حاجه بنحبها بنفارقها غصب عننا ... مفيهاش حاجة لو مره من نفسى فارقت حاجة بحبها بمزاجى