ولسه فاضل فى القلب حتة بترفض تموت
زمان لما كنت ببقى متضايقة من حاجة وأجى أكتبها
كنت بلاقى نفسى بكتب حاجة تانية خالص كلها أمل
واتفاجئ باللى أنا كتبته بعد ما أخلص, وأسأل الأمل دة جاى منين فى وسط الحزن دة كله
وكأن الحزن دايما بيرفض يخرج من جوايا
كانت حاجة بتريحنى أوى لما أحس أن مفيش حاجة بتقدر تأثر عليه
بس للأسف دة مبقاش موجود
بقيت ساعات وأنا فرحانة, بلاقى نفسى بكتب أو بفكر فى حاجات حزينة
وكأن الحتة اللى كانت باقية فى قلبى
بتختفى
وقربت تموت
بس لسه
بتقاوم
No comments:
Post a Comment