اللى جه على بالى 2
فضلت تتكلم كتير أوى وأنا بسمع ومش مصدقة ولا كلمة, بس مفاجئتى الأكبر انها بعد ما خلصت كلام شفت فى عينيها
نظرة كان معناها ان هى كمان مش مصدقة نفسها وعارفة ان كل اللى بتقوله كلام فاضى ... كانت بتقوله لمجرد انه المفروض يتقال
*** *** ***
...
لانه مكانش بيقدر يفهم كلامها وهما قريبين من بعض ... كان طبيعى أوى انه ميفهمش سكوتها يوم وداعهم لما الكلام بينهم سكت
*** *** ***
...
حكاية لسه مانتهتش وحكاية لسه مابتدتش وقلب حيران فى النص
*** *** ***
...
اللى بيننا نص حالة
نص ضحكة ... نص فرحة ... نص راحة
*** *** ***
...
لما سألته عن السبب اللى خلاه ميحبش لغاية النهاردة ... قال لها "مكانش عندى وقت أحب, كله شغل فى شغل" قال يعنى بقى لو كان كيوبيد عمل شغله وأطلق سهمه على قلبه واللا لسعه على قفاة واللا حتى حدفه بطوبة كان هيقدر يقول لأ برضة ... بس هى مرضيتش تحرجه واكتفت بابتسامه وهى بتقول من جواها "دة قصر ديل يا أزعر" قال معندوش وقت قال
*** *** ***
...
لأنه غبى مقدرش يفهم انه عمره ما كان حلم من أحلامها
*** *** ***
...
بعد عشر سنين من معرفتنا وصداقتنا لازم اعترف انك اذكى مما توقعتك دايما
*** *** ***
...
هشام عباس كان صح اوى لما قال سيبها هتحبك يا قلبى وحبها تسيبك
No comments:
Post a Comment