كان ليا حلم
black theama
كان عندى حلم
وكنت ماسكه فى ايدى ومتبت عليه
كان عندى حلم
وفى زحمة المترو اتحدف ومش لاقيه
كان ليا حلم فى لحظة تاه
وضاع فى دوامة الحياة
حلمى اللى عايش عمرى بيه
لو حد فيكوا يوم لاقاه
يشيله ويخليه معاه
وأنا كل يوم أسال عليه
أنا حلمى أخضر وبضفاير
وبمريلة بنى بأساور
كتبه شايلها فى شنطة خيش
عايش فى أوضة ع السطوح
مبسوط وراضى مالوش طموح
غير انه بس فى يوم يعيش
أنا حلمى عادى شكله عادى
ومالوهش سابقة فى أى ماضى
متربى عارف ربنا
هتجيلوا فين بس الأعادى
دة لا عنده مال ولا له أراضى
ومالوش مكان غير قلبى أنا
No comments:
Post a Comment