2009/10/22

من حقنا نحلم
من حقنا نحلم
ولو كدة وكدة
ونشوف الدنيا حلوة
مع انها مش كدة
...
نفرح حبة ثوانى
وأصرخ وأقول بحبك
وتقولى قولها تانى
قولها تانى

نعسان دة واللا ساكت وثاير
بردان دة واللا دة دور وداير
ودة احنا واللا الكل حاير

من حقنا نحلم ... نحلم بس وخلاص
ونقوم الصبح عادى ... نقابل نفس الناس

من حقنا نحلم
نحلم حتى فى سكات
ونشوف حاجات حاجات

مثلا
مثلا الناس سعيدة ... وشاطرة مش بليدة
وقريبة وبعيدة
بتحضن بعضها

مثلا
مثلا مفيش جراح ... والخنقة بقت براح
وأنا لو تعبت أرتاح
فى حضن قلبها
...
مثلا
مثلا الكون جميل ... والنيل بقى ألف نيل
وطن مالوش مثيل
فى الدنيا كلها
...
من حقنا نحلم
ولو كدة وكدة
ونشوف الدنيا حلوة
مع انها مش كدة
*** *** ***
وجيه عزيز

2 comments:

Anonymous said...

بعشق الاغنيه دي :)

Roqaya said...

أنا بحب تقريبا أغلب أغانيه :D
نورتى البلوج :)